Translated "IF" by John Paulo

Kon

Kon maging kalmado ka gihapon maskin ro tanan

hay nagkagulo eon ag nagabasoe kimo;

Kon masaligan mo ro imong kaugalingon bisan tanan hay nagaduda kimo,

pero nagatao ka man it ligwa sa andang pagduda ngaron;

Kon makahueat ka ag indi gauyon sa paghueat,

O, lilongan, pero owa naga-intra sa pag pinuril,

O, kaugtan, pero indi magkaugot,

Ag sa gihapon hay owa ga binugae sa itsura, o sa hambae;

Kon makahandum ka-ag indi mo ron himuong imong aeagyon;

Kon makapaino-ino ka-ag indi mo ron himuong imong ginatuyo;

Kon masumaeang mo ro kadaeag-an ag kaeaeat-an

Ag kabigon mo ro daywa ngarong impostor nga mag kaparehas eang;

Kon matakuran mo nga pamatian ro kamatouran nga imong ginahambae

Mga ginaeubag ku mga purilon sa paghimo it eabong para sa mga kaumangon,

O tan-awon ro mga bagay nga ginhaearan mo ko imong kabuhi, nga masamad,

Ag magpaubos mo obrahon ruyon paagi sa mga eagi eon nga kagamitan;

Kon mahimo mong tipunon sa isaeang bugkos ro tanan mong dinag-an

Ag irisgo ro sa isaeang beses nga paghampang it patiki-tiki,

Ag maperde, ag mag-umpisa eon man sa imong ginumpisahan

Ag indi maghambae it maskin sambilog nga bisaea nahanungod sa imong kaperdehan;

Kon mapwersa mo ro imong tagipusoon, ugat ag kusog nga makapadayon sa pagserbisyo bisan owa eon ro tanan,

Ag ngani hay makapabilin sa pagkapyot kon owa eon it nabilin kimo

kundi ro kabubot-on nga nagahambae kanda: "Pagkapyot!";

Kon mahimo mo nga makahambae sa kaabuan ag mapabilin ro imong birtud,

O makatikang kaibahan ro mga Hari-ag magpabilin nga mapainubuson;

Kon aber ro imong mga kontra o mapagmahae nga maga amigo hay indi makasakit kimo;

Kon tanan nga tawo magsalig kimo, pero bukon man it sobra-sobra;

Kon imong mapun-an ro owa't patawad nga minuto it saysenta segundo nga bilin it pagdaeagan-

Imo ro kalibutan ag tanan nga una karon,

ag-do mas sobra pa-maging matuod kang tawo(o eaeaki), akong onga!

Translated by:

John Paulo H. Iguban